Сер Елтон Џон и Бритни Спирс се на нова корица за нивниот претстоен дует.
Бритни и Елтон стојат рамо до рамо за многу очекуваниот сингл Hold Me Closer, кој треба да биде објавен на 26 август од „Јуниверзал мјузик“.
Спирс (40) ја сподели новата корица на која се гледаат и таа и Елтон во сино-бели светкави бејзбол униформи.
Минатата недела, сер Елтон (75) постираше фотографија на својата официјална страница на Инстаграм со што го најави објавувањето на песната.
Британската музичка икона сподели симпатична фотографија од двете ѕвезди како деца.
Hold Me Closer е преработка на неговиот хит класика од 1971 година, Tiny Dancer.
Овој дует е прво издание на сингл на Бритни по укинувањето на спорното старателство во ноември 2021 година.