Вториот тенисер во светот, Александар Зверев, нема да игра на Ју-ес опен, последниот Грен слем турнир годинава, кој започнува на 29. август во Њујорк.
Германецот се уште не е целосно опоравен од скршеницата на зглобот, која ја заработи во полуфиналето на Ролан Гарос против Рафаел Надал на почетокот на јуни.
„Да беше обичен турнир на кој се играат натпревари во два добиени сета, тогаш ќе бев подготвен. Сепак, тешко ми е да се вратам на турнир каде се играат натпревари во три добиени сета“, најави 25. годишниот Зверев.
Зверев, кој лани го освои олимпиското злато, најави дека од 13. до 18. септември ќе игра на Дејвис купот во родниот Хамбург, каде Германија е во група со Франција, Белгија и Австралија.