ФИФА ќе го помести почетокот на Светското првенство во Катар за еден ден порано. Причината за овој потег е да се исправи првичниот распоред според кој првиот натпревар на првенството би го одиграле две селекции кои не се домаќини на мундијалот.
ФИФА ќе му даде шанса на Катар да го отвори Светското првенство со мечот против Еквадор, в недела на 20 ноември во 20 часот. Претходно турнирот требаше да го отворат селекциите на Сенегал и на Холандија, што секако ќе беше преседан.
Советот на ФИФА треба во наредниот период да ја потврди оваа одлука.