Стефан Ристовски, капитенот на македонскиот национален тим, истакна дека Динамо Загреб заслужено се пласира во плејофот за пласман во групите од Лигата на шампионите. Синоќа Динамо и вторпат го победи Лудогорец (4:2), а Ристовски беше асистент на првиот гол.
„Го потврдивме пласманот во Европа, но одиме на пласман во ЛШ и се надевам дека ќе го избориме. Им честитам на соиграчите, а зашто – бизарен меч? Фудбалот е таков, се игра 90 минути. Денеска победуваш, утре тргнуваш од почеток. А, нас во сабота нѐ чека нов тежок меч. Бодо Глимт? Ќе го анализираме, но прво ни доаѓа Хајдук, кој е квалитетен и опасен. Јас излегов на полувремето поради жолтиот картон“, изјави Стефан Ристовски.