Украинските војници ги прекршуваат меѓународните правни норми и военото право со тоа што ставаат оружје во училиштата и болниците во градовите и ги ставаат во опасност цивилите, се наведува во извештајот на организацијата за човекови права „Амнести интернешнал“.
„Имаме документирани случаи кога украинските сили го изложиле на ризик цивилното население и го прекршиле воениот закон за време на операциите во населените области. Да се биде во одбранбена позиција не ја ослободува украинската армија од почитување на меѓународното хуманитарно право“, се вели во извештајот на генералниот секретар на организацијата, Ањес Каламар.