Македонскиот репрезентативец Енис Барди најверојатно нема да реализира трансфер во грчкиот гигант Олимпијакос. Како што информира „Мундо Депортиво“, преговорите меѓу двата клуба пропаднале во последен момент.
Олимпијакос понуди 3 милиони евра оштета, плус 1,5 милион во бонуси, а Леванте беше согласен да го продаде за оваа сума. Најверојатно дека Грците сепак во последен момент понудиле помалку пари.
Енис Барди требаше да се согласи и на двојно помала плата од таа што ја има во Леванте. Раководството на Олимпијакос на македонскиот играч за врска му понуди 700.000 евра годишно.
Сепак, според најновите информации, трансферот нема да се реализира.
