Денеска, во 16.50 часот, во СВР Тетово, пријавено е дека на регионалниот пат Маврови Анови – Дебар, во месноста Стрезимирски Мост, патничко возило „рено“, со германски национални ознаки, излетало од коловозот.
На местото на несреќата првично починале 3 лица (две машки и едно женско), а едно повредено женско лице е пренесено во гостиварската Општа болница „Ферид Мурад“ за укажување лекарска помош.
Екипи на СВР Тетово се веќе на самото место и набргу ќе почне увид, што ќе го води јавен обвинител и во кој ќе учествува и екипа од ОВР Гостивар.