Во текот на целиот ден колони возила се забележани на граничните премини „Табановце“ и „Богородица“.
Попладнево на ГП Табановце времето на чекање за влез во државата е околу 60-90 минути, а на ГП Богородица за излез се чека околу 40 минути.
На останатите гранични премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.