Руски воени авиони, проектили и артилерија погодија повеќе од 240 воени локации во Украина во претходните 24 часа, изјави денеска портпаролот на Министерството за одбрана на Русија, генерал-мајор Игор Конашенков.
„Оперативно-тактичката и воената авијација, артилериските бригади продолжуваат со удари во воени објекти на украинска територија. Во претходните 24 часа уништија 12 командни штабови, четири проектили и артилериско оружје, магацини за муниција во населбата Никаноровка во Народна Република Доњецк и градот Миколаев, како и персонал и воена опрема на 226 места“, рече Конашенков, пренесува ТАСС.
Тој додаде дека руската авијација ја нападнала 406-та артилериска бригада на украинската армија во населбата Апостолово во областа Дњепропетровск и дека „елиминирани се 200 војници, уништени се девет артилериски пушки, како и дополнителна воена опрема“.