Претседателот на Италија, Серџо Матарела, денеска го распушти италијанскиот парламент, отворајќи го патот за одржување на вонредни парламентарни избори, јави италијанската телевизија РАИ.
Матарела рече дека изборите мора да се одржат во рок од 70 дена, оставајќи ја владата да го одреди точниот датум, кој најверојатно ќе биде крајот на септември, објави Ројтерс.
„Периодот низ кој минуваме не дозволува никаква пауза во (на владината) акција што е потребна за борба против економската и социјалната криза и зголемената инфлација“, рече италијанскиот претседател во краткото обраќање од неговата палата Квиринале во Рим.