Турскиот претседател Реџеп Тајип Ердоган се закани дека повторно ќе го блокира приемот на Шведска и Финска во НАТО доколку не ги исполнат барањата на Анкара, пренесува АФП.
Ердоган изјави дека Турција ќе го замрзне процесот за влез на Шведска и Финска во НАТО, доколку тие две земји не го одржат ветувањето за антитерористички акции што го дадоа минатиот месец, додавајќи дека „Шведска досега не остава добар впечаток“.
Финска и Шведска поднесоа барање за членство во НАТО откако Русија ја нападна Украина, но Турција веднаш се спротивстави на идејата и ги обвини двете нордиски земји дека ги поддржуваат групите кои Турција ги смета за терористички.