Од „ЈСП Скопје“ со апел до сите граѓани, корисници на јавниот превоз да се придржуваат на препораките за заштита од Ковид – 19 при користење на превозот, односно во автобус да носат заштитна маска.
Од таму потсетуваат дека „ЈСП Скопје“ нема ингеренции да забранува влез на патници кои при користење на превозот не носат маска, ниту имаат право, како што велат, да ги казнуваат.
„Единствено, со одговорно однесување на секој поединец, а со оглед на тоа дека превозот секојдневно го користат илјадници граѓани, може сите да придонесеме во борбата против ширење на вирусот. Очекуваме дека нашиот апел ќе биде добронамерно прифатен и применет во интерес на колективното здравје“, велат од оваа институција.