Германскиот канцелар Олаф Шолц ги повика граѓаните заеднички да се соочат со економските проблеми кои ја тресат Германија, особено инфлацијата и најави дека ќе се одржи состанок на експерти на кој ќе се обиде да даде одговор на тоа прашање.
„Мораме да се држиме за раце и да се држиме заедно“, рече Шолц.
Додаде дека поскапувањето е голем проблем кој мачи многу граѓани и со право.
„И затоа мора да дејствуваме заедно“, истакна Шолц.
Тој ги покани синдикатите, работодавачите, Бундесбанката и академиците, повикувајќи се на напорите од 1960-тите и 1970-тите, да разговараат за тоа што треба да се направи.
„Само повисоките плати и социјалните бенефиции можат одржливо да ја компензираат штетата на луѓето со средни и ниски примања“, изјави за ДПА Марсел Фрацшер, претседател на Германскиот институт за економски истражувања (DIW).
Еднократните плаќања, од друга страна, на многумина не им користат, рече Фрацшер, пренесува Хина.
