Украинскиот претседател Володимир Зеленски денеска го поздрави шестиот пакет санкции на Европската унија против Русија, но го критикуваше, како што рече, „неприфатливото“ одложување на договорот за нови мерки.
„Кога ќе поминат повеќе од 50 дена меѓу петтиот и шестиот пакет санкции, тоа за нас не е прифатлива ситуација“, рече Зеленски за време на разговорите со словачката претседателка Зузана Чпутова во Киев, пренесува Ројтерс.