Денеска во с.Ласкарци, скопско, полициски службеници од Одделот за криминалистичка полиција – Сектор за недозволена трговија со дрога, оружје и опасни материи при МВР во координација со полициски службеници од СВР Скопје – Единица за недозволена трговија го лишиле од слобода С.Б.(34) од с.Ласкарци.
При претрес во неговиот дом, извршен со судска наредба, биле пронајдени и одземени една пушка- карабин и повеќе куршуми за него и една ловечка пушка.
Тој бил приведен во полициска станица и по целосно документирање на случајот против него ќе биде поднесена соодветна пријава.