Претседателот на Соединетите Американски Држави, Џо Бајден изјави дека Шведска и Финска ги исполнуваат сите услови за влез во НАТО.
„Денес со гордост потврдувам дека ја имаат поддршката од Соединетите Држави“, рече Бајден по приемот на шведската премиерка Магдалена Андерсон и финскиот претседател Саули Ниинисто во Белата куќа.
Бајден рече дека Соединетите Држави ќе соработуваат со Финска и Шведска за да се спротивстават на каква било агресија на која може да бидат изложени за време на процесот на пристапување во НАТО.
– Кога новите членки ќе влезат во НАТО, тоа не е закана за ниту една земја. И таа никогаш не била. Задачата на НАТО е да се брани од агресија – рече Бајден.
Соединетите Американски Држави со поканата на претставниците на двете земји во Вашингтон ден по поднесувањето на официјалните кандидатури за членство во НАТО, покажаа нетрпеливост кога станува збор за проширување на Алијансата, пренесе Дневен аваз.
“Sweden and Finland have strong democratic institutions, strong militaries and strong and transparent economies. And a strong moral sense of what is right. They meet every NATO requirement and then some,” Pres. Biden says. https://t.co/94N6eh7zOv pic.twitter.com/KPL8tWNEfl
— ABC News Politics (@ABCPolitics) May 19, 2022