Мешовитата комисија со Бугарија на средбите вчера и денес разменила неколку предлог идеи за препораки за учебниците од основното образование кои се однесуваат на средновековниот и раноосманлискиот период, соопшти македонскиот тим во комисијата.
Во сооопштението на Комисијата се наведува дека следната средба е закажана за средината на септември 2022 година.
„На средбата, во конструктивна атмосфера членовите на Комисијата водеа дискусија на која беа разменети неколку предлог идеи за препораки за учебниците од основното образование кои се однесуваат на средновековниот и раноосманлискиот период. На средбата беа усогласени и потпишани записници од претходните средби. Со заемен договор на двајцата копретседатели на Комисијата, договорено е наредната средба на Комисијата да се одржи во средината на септември 2022 година“, наведуваат од македонскиот тим.