Повеќе од 1.000 куќи биле оштетени, а четири лица се повредени во страшното торнадо кое ја погодило американската држава Канзас на 29 април, јавуваат американските гласила.
За степенот на уништувањето и моќта на торнадото сведочи видео од дрон што се појави на социјалните мрежи, снимено во градот Андовер.
Според „Акјуведер“, торнадото траело 21 минута и за тоа време поминало околу 20 километри.
Шефот на противпожарната служба во Андовер, Чад Расел, изјавил дека од 300 до 400 куќи биле целосно уништени а вкупно 1.074 куќи биле оштетени.