Украинскиот министер за надворешни работи Дмитро Кулеба рече дека ширењето страв од страна на Русија е знак на слабост.
Оваа изјава доаѓа откако рускиот министер за надворешни работи Сергеј Лавров предупреди дека НАТО е во војна со Русија и дека ризикот од нуклеарна војна е сериозен.
Според Кулеба, ова е показател дека Русија ја загубила последната надеж да го одвлече вниманието на светот од поддршката за Украина.
„Тоа само значи дека Москва претчуствува пораз“, додава тој.
За време на посетата на Киев во неделата, американскиот државен секретар Ентони Блинкен и министерот за одбрана Лојд Остин ветија поголема воена помош за Украина. Стејт департментот во понеделникот, повикувајќи се на вонредната состојба, одобри потенцијална продажба на муниција во вредност од 165 милиони долари на Украина.
Пентагон соопшти дека пакетот може да вклучува артилериска муниција за хаубици, тенкови и фрлачи на гранати. Амбасадорот на Москва во Вашингтон им порача на САД да ги прекинат испораките, предупредувајќи дека западното оружје го разговара конфликтот.
