Реновирањето на сите згради и инфраструктура оштетени во Украина за време на војната со Русија ќе чини околу 60 милијарди долари, соопшти Светската банка.
Претседателот Дејвид Малпас на конференција на Светската банка рече дека раната проценка на цената на штетата не ги вклучува растечките економски трошоци на војната за Украина.
Степенот на штетата останува нејасен во некои области, како што е силно бомбардираниот Мариупол, иако се шпекулира дека 90 отсто од градската инфраструктура е уништена, се вели во соопштението.
„Се разбира дека војната сè уште трае, така што тие трошоци растат“, рече Малпас.
Украинскиот претседател Володимир Зеленски претходно изјави дека на Украина и требаат 7 милијарди долари месечно за да ги надомести економските загуби предизвикани од војната.
