По веста дека Кортни Кардашјан и Тревис Баркер се венчаа во Лас Вегас по доделувањето на наградите „Греми“, Кортни на својот „Инстаграм“ сподели и фотографии од церемонијата.
„Еднаш одамна во една земја далеку… (Лас Вегас) во два часот по полноќ, по епска ноќ и малку текила, кралицата и нејзиниот убав крал се охрабрија и отидоа во единствената отворена капела со Елвис и се венчаа без дозвола“, напиша таа.
Кортни објави 10 фотографии од церемонијата, на кои таа и Тревис носат црни кожени јакни во капела за венчавање, а имитатор на Елвис ги прогласува за маж и жена.
Извори блиски до парот рекоа дека ќе следат неколку свадбени прослави со многу помпа.
Кардашјан и Баркер се свршија на плажа во октомври 2021 година по врска од речиси девет месеци. Тапанарот ја побара за жена во хотелот Rosewood Miramar Beach опкружен со црвени рози и бели свеќи.
