По барање на Интерпол Шпанија, полициски службеници од полициската станица Струга и Секторот за меѓународна полициска соработка, вчера ја пронашле К.М.Т. (39) од Шпанија во хотел во Струга.
Како што пријавила таа, во Струга пристигнала преку Тирана, по претходен договор со 29-годишниот Ш.С. од струшкото село Радолишта, по што тој без нејзина согласност неколку дена ја држел затворена во соба во хотел во Струга и ја присилувал на сексуални односи.
Синоќа околу 21.30 часот во полициската станица во Струга бил приведен Ш.С. и со него бил извршен службен разговор. Известен е јавен обвинител и по целосно расчистување на случајот ќе биде поднесена соодветна пријава.
