Денеска во Тетово е уапсен дилер на дрога, откако во дворот од неговата семејна куќа биле пронајдени 80 грама кокаин.
Според информациите, во неговата куќа со судска наредба е извршен претрес и покрај кокаинот пронајдени се и две дигитални ваги.
Ф.К. (40) од тетовското село Џепчиште е задржан во полициската станица и по документирање на случајот ќе му биде изготвен поднесок за “неовластено производство и пуштање во промет на наркотични дроги, психотропни супстанци и прекурсори”, кривично дело казниво по член 215 од Кривичниот законик.
