Владата враќа само мал дел од тоа што им скрати на пензионерите, недоволно ни за трошоците за зејтин во месецот, реагираат од ВМРО-ДПМНЕ од каде велат дека потребно е покачување на пензиите од 20%.
„Во услови кога цените на основните продукти и горивата се покачени и за 70%, 1.000 денари за 3 месеци за пензионерите не се никаква помош, и не можат ниту да ги израмнат пензиите на куповно ниво од пред поскапувањата“, се додава во партиската реакција.
Од ВМРО-ДПМНЕ порачуваат СДСМ да не гледа краткорочно за, како што велат, некоја ситна политичка корист и да го прифати предлогот на за покачување на пензиите за 20%.
„Тоа ќе ги израмни пензиите и ќе го зачува стандардот на пензионерите“, сметаат од опозициската партија.
