Кабинетот на украинскиот претседател Володимир Зеленски соопшти дека Украина ќе ја додели наградата за мир на меѓународните компании кои го напуштија рускиот пазар, пренесува Си-Ен-Ен.
Ова го потврди Андриј Јермак, шеф на Кабинетот на претседателот на Украина.
– Компаниите кои ја напуштија Русија заслужуваат почит од Украинците и луѓето ширум светот – рече Јермак и ги повика другите компании да одлучат за овој потег.
Тој посочи дека е недозволиво да се тргува со воени злосторници и да се заработува со убивање цивили.
Потсетуваме, Зеленски во своето минатонеделно обраќање во францускиот парламент повика неколку деловни гиганти во Франција да го напуштат рускиот пазар и „да престанат да бидат спонзори на руската воена машина“.
