По победата на Македонија во дуелот со Италија, се слави низ скопските улици.
Се пејат македонски патриотски песни, се вејат македонски знамиња. Прославата дојде случајно, по повици од социјалните мрежи.
Македонија е во финале на баражот за Светското првенство во Катар.
Нашите херои го елиминираа европскиот првак Италија совладувајќи го со 0-1 на стадионот „Ренцо Барбера“. Стрелец беше Александар Трајковски, кој во неговиот Палермо ја забетонира судбината на Италијанците.
Последната пречка до СП во Катар за нашите репрезентативци е Португалија на Кристијано Роналдо, а мечот ќе се игра во Порто.
