Актуелниот првак Шкендија не победи на двата последни натпревари во Првата фудбалска лига и затоа има императив да оствари триумф на денешниот меч (15 часот) против Тиквеш во 23.коло. Дефанзивецот Меџит Незири верува дека тимот ќе одговори на вистинскиот начин.
„Треба да ги заборавиме последните два натпревари и да се фокусираме на продолжението од првенството. Со натпреварот против Тиквеш влегуваме во третата фаза од првенството и дефинитивно мораме да им се вратиме на победите. Наша цел во овие последни 11 натпревари што преостануваат е да собереме максимален број бодови. Серијата победи треба да започне од денешниот натпревар против Тиквеш“, вели Меџит Незири.
Тиквеш минатиот пат успеа да остане непоразен кога и гостуваше на Шкендија.
Македонија Ѓорче Петров е единствениот тим со максимален број победи во пролетниот дел од сезоната, па ѓорчепетровци сакаат серијата да продолжи и на денешната пресметка против Скопје.
Академија Пандев го пречекува тимот на Струга Трим Лум во Струмица, а Брегалница е домаќин на Борец. Утре ќе играат Ренова и Пелистер.
Вчера, Шкупи го совлада Работнички со 2:0, во првиот натпревар од 23. коло во Првата фудбалска лига.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1950-37708”));
> Шкендија сака триумф над Тиквеш за излез од кризата <
