Во следните денови, лидерите на Европската унија ќе разговараат за барањето на Украина да се приклучи на блокот од 27 земји, објави претседателот на Европскиот совет, Шарл Мишел.
„ Солидарноста на ЕУ, пријателството и невидената помош за Украина се непоколебливи. Ќе разговараме за апликацијата на Украина за членство во наредните денови“ рече тој.
Лидерите на ЕУ се очекува да разговараат за војната во Украина и обидот на земјата да се приклучи на ЕУ на неформалниот самит во Париз во четврток.
Шарл Мишел вели дека разговарал со претседателот на Руската Федерација Владимир Путин за „развојот на трагичната ситуација во Украина“.
„ ЕУ најостро ја осудува руската агресија врз Украина. Тој го повика претседателот Путин веднаш да ги прекине непријателствата и да обезбеди безбедни премини и пристап до хуманитарна помош. Посебно ја нагласив потребата да се обезбедат нуклеарни постројки во Украина во светлината на борбата“ напиша Мишел на Твитер.
Претседателот на Европскиот совет нагласува дека се договорени натамошни контакти со Путин.
