Дипломатите на Европската унија одобрија нови санкции кои ќе влијаат на белоруската економија.
Тие ќе вклучуваат сектори како што се дрвната индустрија, челик и калиум ѓубрива, пренесува „Ројтерс“.
Официјални претставници на ЕУ оваа недела изјавија дека една од целите на новите санкции наметнати на Минск е да се запре извозот на белоруски производи во ЕУ, покрај оние кои веќе се предмет на санкции воведени откако белорускиот претседател Александар Лукашенко ги задуши протестите по изборите во август 2020 година.
„ Овие мерки ќе бидат објавени во Службениот весник на ЕУ за да стапат во сила“, се вели во соопштението на ЕУ, но не е прецизирано кога ќе бидат објавени.
ЕУ претходно го забрани извозот на калиумови ѓубрива и нафтени деривати на Белорусија. Но, дипломатите рекоа дека и покрај тоа, Белорусија извезувала калиумови ѓубрива во ЕУ преку Украина, а тие исто така го зголемиле извозот на производи добиени од јаглен.
