Рускиот опозициски лидер Алексеј Навални, кој е во затвор во Русија, ги повика Русите да организираат секојдневни протести против воената кампања на Москва во Украина, соопшти денеска неговата портпаролка Кира Јармиш.
Како што наведе на Твитер, Навални ги повика луѓето да протестираат секој ден во 19 часот и за време на викендите во 14 часот на главните плоштади во градовите, пренесува Ројтерс.
Претходно движењето на Навални повика на кампања на граѓанска непослушност во знак на протест против воената акција на Русија во Украина.
