Турскиот претседател Реџеп Таип Ердоган денеска повтори дека Турција не може да ги занемари своите врски со Русија или Украина, додавајќи дека Анкара ќе спроведе делови од меѓународниот договор за користење на турските мориња кои би можеле да го ограничат транзитот на руските бродови од Медитеранот до Црното Море.
Членката на НАТО, Турција во неделата ја нарече руската интервенција во Украина „војна“, што и овозможи да се повика на членовите на меѓународниот договор од 1936 година, кој ќе го ограничи преминувањето на некои руски бродови од турските мориња, објави Ројтерс.
Турција дели поморска граница со Украина и Русија и има добри врски со двете земји, наведува британската агенција.
Говорејќи по владиниот состанок, Ердоган го критикуваше, како што рече, неодлучниот однос на САД и западните сили кон нападот на Украина, велејќи дека таквиот пристап е знак за пад на меѓународниот поредок.
Тој рече дека Турција нема да прави компромиси за своите обврски кон нејзините сојузи, вклучително и НАТО, но дека исто така не може да се сврти против националните интереси во нејзиниот регион.
Ердоган повтори дека верува, како што рече, дека руската инвазија е неприфатлива.
