Министрите за надворешни работи на ЕУ едногласно го усвоија првичниот пакет санкции против руските претставници поради нивните дејствија околу Украина и признавањето на независноста на отцепените региони на истокот, изјави денеска францускиот министер за надворешни работи Жан-Ив Ле Дриан.
Високиот претставник на ЕУ за надворешна политика и безбедност, Жозеп Борел, кој беше домаќин на состанокот во Париз, рече дека пакетот санкции одобрени денеска ќе и’ наштетaт на Русија и ќе влијаат врз членовите на Долниот дом на рускиот парламент и другите инволвирани поединци во одобрувањето за распоредување на руски војници во регионите на источна Украина.
Тој рече дека имотот и визите за 351 пратеник на руската Дума ќе бидат замрзнати. Пакетот ќе влијае и на руското финансирање на политиките поврзани со Украина со ограничување на пристапот до финансиските пазари на ЕУ.
„Санкциите немаат чудесен ефект, но тоа ќе нанесе болка на економијата, но и на луѓето кои ќе бидат погодени“, рече Борел, додавајќи дека земјите-членки на ЕУ одлучиле да ги зачуваат другите мерки за да одговорат на новите дејствија на Русија, бидејќи, како што нагласи, „оваа приказна не е завршена“.
Ле Дријан рече дека овој цврст одговор сè уште ја остава отворена вратата за дипломатијата, иако истакна дека сите дипломатски напори наишле на ѕид во последните недели.