Големо снежно невреме ќе ги зафати САД во следните 24 часа, па температурите на места ќе отидат и до 30 степени под просекот, предупредија денеска метеоролозите.
Постои ризик од обилен снег, дожд и силно невреме, од сојузната држава Тенеси до Охајо, во периодот од понеделник до среда, соопшти Националната метеоролошка служба (NWS), пренесува „Скај њуз“. Некои градови ќе бидат во поларна арктичка клима во следните 48 часа
Во твитот се наведува дека „комбинацијата од снег и леден дожд може да дојде во два брана во одредени региони“, како и дека снежната бура може да предизвика и до 2,5 сантиметри снег на час.
Температурите ќе бидат од 20 до 30 степени под просекот во северноамериканските држави“, посочува NWS.
Температурата во Денвер во неделата беше 16 степени, но утре ќе се спушти до минус 12, додека во Рапид Сити во Северна Дакота температурата ќе се спушти од четири степени до минус 19.
