Камерон Дијаз докажува дека сè уште изгледа како филмска ѕвезда додека го промовира своето вино на социјалните мрежи, осум години откако се повлече од Холивуд.
Дијаз оваа година ќе наполни 50 години, но не изгледа ниту приближно на таа бројка.
Ѕвездата на „Ангелите на Чарли“ делува младешки со црвен кармин и кремаст џемпер, едноставна и ненаметлива, во едно од своите ретки појавувања на Инстаграм за да сподели нешто за своето вино, „Авелин“.
Таа сподели и видео „Сакај се себеси“ каде запали Goop Hands Off My Vagina свеќа (изум на Гвинет Палтроу) покрај шише со сопственото вино Aveline.
„Чисто, вкусно вино и познатата свеќа на ‘Гуп’ – совршени подароци за оние што ги сакате (вклучувајќи се и вие самите).
„А најдобриот дел, ‘Гуп’ ќе донира 35 долари од продажбата на секоја „Hands Off My Vagina“ свеќа во корист на проектот за репродуктивна слобода на Фондацијата ACLU. Да наздравиме за ова!“
Една од најатрактивните актерки на Холивуд пред осум години се повлече од актерството за да се посвети на мајчинството и семејството.
