Американскиот носач на авиони на нуклеарен погон USS Harry S.Truman денеска заплови во хрватските води, со согласност на хрватската Влада.
„Тоа е возбудлива можност за екипажот да ги запознаат жителите на Хрватска и да ја искусат нејзината историја и живописниот пејзаж“ – изјави контраадмирал Курт Реншов, командант на Осмата ударна група.
Тој потсети дека неодамна со сојузникот Хрватска во рамките на Северноатлантската алијанса учествувале на вежбата Нептун Страјк 22.
– Со нетрпение очекуваме да поминеме време со нашите домаќини на брегот – рече тој.
Американскиот носач на авиони USS Harry S. Truman веќе беше закотвен во близина на Сплит во 2015 година.
