Генералниот секретар на ОН, Антонио Гутереш, во средата рече дека правичноста во глобалната вакцинација може да стави крај на пандемијата на коронавирус, предупредувајќи дека луѓето и земјите ја плаќаат цената за нееднаквоста, јавува Анадолија.
„Ако сакаме да се осигураме дека сите се вакцинирани за да се стави крај на оваа пандемија, прво мора да донесеме правда во системот“, рече Гутереш.
Тој посочи дека „влегуваме во третата година од пандемијата, а светот се уште е далеку од исполнување на клучните цели“.
Генералниот секретар на ОН рече дека понудата и воведувањето на вакцини се зголемува експоненцијално.
– Изгубеното време го надополнуваме во многу земји. Можеби е на повидок крајот на оваа пандемија – оваа година, но мора да дејствуваме сега – рече тој.
