Дваесет и шестгодишен кумановец загина во сообраќајна несреќа, што се случи ноќеска на ул.„Тоде Думба“ во Куманово.
Според информациите, до несреќата дошло кога автомобилот „пежо“, во кое се превезувале П.П.(26) и Н.С.(29), двајцата од Куманово, удрило во ограда и во паркирано возило.
На местото на несреќата починал П.П., а смрт констатирал лекар од Итната медицинска помош. Н.С. се здобил со телесни повреди, констатирани во Општата болница Куманово. Екипа од СВР Куманово извршила увид на местото на несреќата.
