Судот во Германија го осуди на доживотен затвор поранешниот разузнавач на сирискиот претседател Башар ал Асад, откако беше прогласен за виновен за убиства во затворот во Дамаск, јави телевизијата НТВ.
Обвинителството го обвини Анвар Р. за 58 убиства во затвор во Дамаск, каде што обвинителите велат дека најмалку 4.000 опозициски активисти биле мачени во 2011 и 2012 година.
Oва е втора ваква пресуда на повисокиот регионален суд во Кобленц за злосторства против човештвото за време на граѓанската војна во Сирија.
