Пенелопе Круз, која е во брак со оскаровецот Хавиер Бардем повеќе од една деценија и со него ги има Лео (10) и Луна (8), откри дека би сакала да глуми во мјузикл со сопругот.
Бардем го портретира Деси Арназ во биографскиот филм за Лусил Бол „Да се биде Рикардос“ заедно со Никол Кидман.
„Би сакала да правам мјузикл со него. Го видов како пее во Being the Ricardos и заврши неверојатна работа! Тој се чувствуваше исто како и јас кога глумев во Nine the Musical, кога немав поим дека можам да пеам, но тогаш Роб Маршал ме убеди по неколку тестови дека можам,“ рече 47-годишната актерка во интервју за „Ентертејнмент тунајт“.
„И, бидејќи играв балет 18 години и сум голем љубител на светот на танцот и музиката, тоа е толку моќна уметност за мене, дури и повеќе од кино, така што за мене жанрот на мјузикли е сон! Тоа го направив само еднаш, па се надевам дека еден ден ќе го повторам“.
