Здружението на новинарите на Македонија (ЗНМ) го осудува односот на униформираниот службеник од затворот „Скопје“ во Шуто Оризари кој истурка новинари и сниматели и ги попречи во вршењето на нивната работа, при излегувањето од притвор на поранешниот директор на УБК, Сашо Мијалков.
Од ЗНМ велат дека ќе ги повикаат на одговорност и МВР и Директорот на затворот.
„Се работи за крајно непримерен и недозволив однос од страна на униформираниот службеник кон новинарските екипи на ТВ Клан и А1он“, се наведува во реакцијата на Здружението на новинарите.
