Полициски службеници од Полициската станица Гази Баба, во попладневните часови, на 28 декември, во кругот на РЖ „Товарна – Трубарево“, ги затекнале Б. К. (58) и Н. А. (46), двајцата од Скопје, при вршење тешка кражба.
Како што информираат од МВР, двајцата краделе гориво од вагоните, при што имале украдено речиси 300 литри гориво.
Тие биле приведени, а украденото гориво било вратено на оштетеното правно лице.
По целосно документирање на случајот, ќе следуваат соодветни кривични пријави.
