Централната банка на Русија ќе започне пилот-проект за трансакции со дигиталната рубља во јануари следната година, изјави првиот заменик-гувернер на руската врховна монетарна институција, Олга Скоробогатова.
„ Прототипот на платформата за дигитална рубља е подготвен. А веднаш по празниците, во јануари, ќе започнеме со пилот-проектот од првата фаза со 12 банки“, рече Скоробогатова.
Во првата фаза ќе се вклучат и кредитните организации и ќе се реализираат S2S операции.
Втората фаза на тестирање вклучува поврзување на Федералното Министерство за финансии и спроведување на функционалноста на паметните договори, како и трансакциите на потрошувачите со бизнисот (S2V), бизнисот со бизнисот (B2B) и бизнисот со државата (B2G).
Централната банка на Русија потоа има намера да вклучи финансиски посредници и финансиска инфраструктура – берзи, брокери, осигурителни компании и други, како и да го имплементира онлајн режимот и да обезбеди размена на дигитални рубљи за странска валута.
„ Претходно беше најавено дека во согласност со проектот за основна дигитализација на финансискиот пазар на Русија за периодот до 2024 година, развојот на платформата за дигитална рубља ќе биде постепен, со постепено проширување на учесниците и видовите операции“ соопшти Централната банка на Русија.
