Новинарката Ана Шишминцева од Русија се извини што направила циркус на годишната прес-конференција на рускиот претседател Владимир Путин.
Таа на веб-страницата „Област 45“, по конференцијата на социјалните мрежи се пофали дека на конференцијата влегла со помош на стар тест за ковид и со треска.
View this post on Instagram
Во сега избришаната објава, Шиминцева напиша: „ Првото нешто што ме насмеа беше тоа што ме пуштија со погрешен датум на ПЦР-тестот. (Ви благодариме што не обрнувавте внимание)“.
Нејзините најави предизвикаа тревога, а потоа пристигна извинување.
„ Извинете, излажав. Бев возбудена, не спиев со денови. Им се извинувам на сите мои колеги новинари и организаторите на прес-конференцијата за лошата шега со температурата“, напиша таа во петокот на Инстаграм.
View this post on Instagram
„ Признавам дека беше глупост. Повторувам, имав температура од возбудата. Жал ми е што го загрозив вашето здравје. Денеска направив два ПЦР теста на различни места, отидов на лекар и зедов крв. Немам респираторни заболувања или КОВИД“, напиша таа, давајќи доказ за нејзиниот преглед.
Во четвртокот Путин ја одржа својата годишна прес-конференција на која зборуваше за голем број горливи теми, од кризата со НАТО и Украина, преку коронавирусот до опозиционерот Алексеј Навални.
Русија во последните недели се бори со голем број заразени лица, со дневен број од околу 25.000.
