Шеесет и четиригодишен ловџија синоќа по грешка застрелал и убил човек додека бил на лов во с.Горна Матка.
Тој го пријавил делото во полициска станица Сарај, со објаснување дека мислел дека е дива свиња. Полицијата го уапсила Р.К.
Во 21.40 часот на полициски службеници им го покажал местото и телото на починатото лице. Од екипа на Итна медицинска помош била констатирана смрт и било утврдено дека починатиот е С.Ј.(46) од с.Матка, скопско. По целосно документирање на случајот ќе биде поднесена соодветна пријава.
