Силно невреме со силен ветер синоќа го зафати Сплит, а брановите во дубровничката област беа речиси седум метри.
– Уништен е штандот, оштетени се неколку паркирани мотори и урнат е столбот за осветлување, изјавил за далматинскиот портал командантот на ЈВП Сплит Марио Микас.
Утрово уште едно дрво падна во сплитското пристаниште.
Во Хрватска врне дожд, на места со лапавица и снег, коловозите се лизгави, па возачите се предупредуваат да бидат внимателни.
Медитеранскиот циклон донесе нови проблеми во цела Далмација, објави порталот Далмацијаданас.
Високите бранови синоќа и утринава поплавија дел од брегот, а според достапните информации најинтензивна плима била во областа Водице, каде што е поплавен голем дел од брегот.
