Кошаркарот на Денвер Нагетс, Мајкл Портер јуниор, би можел да го пропушти остатокот од сезоната. Портер јуниор го повреди грбот минатата недела против Хјустон.
Нагетс го избраа Портер јуниор на драфтот во 2018 година од 14.позиција. Првата сезона ја пропушти поради повреда. Наредните две беа добри за крилниот кошаркар, поради што Денвер решија да го „врзат“ со долгогодишен договор, максимално вреден 207 милиони долари.
„Денвер пост“, пишува дека повредата на грбот, веројатно ќе го оддалечи Портер јуниор од кошаркарските терени до крајот на сезоната. Овој извор не ја исклучува можноста кошаркарот да заврши на операција.
Повредата на Портер јуниор драстично ќе ги намали амбициите на Денвер за оваа сезона. Тимот, сигурно уште неколку месеци ќе биде без Џамал Мареј, а не е познато кога лидерот, Никола Јокиќ ќе се врати на теренот.
> Проблем за Денвер, крај на сеозната за Портер јуниор <
