Данела Арсовска од денеска и официјално е градоначалничка на Скопје и прва жена која ќе го раководи главниот град од осамостојувањето на Македонија.
На локалните избори, Арсовска како независен кандидат, поддржан од ВМРО-ДПМНЕ победи со 28.130 гласа предност пред досегашниот градоначалник, Петре Шилегов.
Шилегов со букет цвеќе ја пречека новата градоначалничка и ѝ посака успешна работа во престојниот мандат.
Арсовска по победата најави дека посветено ќе работи уште од првиот ден на функцијата за да го трансформира Скопје во како што рече, зелен, чист, убав и модерен град.
