Времето денеска ќе биде сончево и релативно топло со мала до умерена локална облачност. Претпладне по должина на Повардарието ќе има значителна ниска облачност, која попладне ќе се намали. Ќе дува слаб до умерен, а по должина на Повардарието повремено засилен ветер од југоисточен правец. Минималната температура ќе биде во интервал од 4 до 12, а максималната ќе достигне од 17 до 23 степени.
Во Скопје претпладне со слаба магла и ниска облачност, а попладне сончево со умерена облачност. Ќе дува слаб ветер од југоисточен правец. Минималната температура ќе се спушти до 8, а максималната ќе достигне до 20 степени.
Во следните денови ќе се задржи стабилно и релативно топло време. Во претпладневните часови, особено по должина на Повардарието ќе има појава на магла или значителна ниска облачност. Од вторник ќе дува умерен северозападен ветер, што ќе предизвика опаѓање на температурите.
