Незадоволните лозари доцна попладнево се собраа на протест пред најголемата винарска визба во земјава „Тиквеш“ поради промената на условите за откуп на грозјето.
Насобраните луѓе со пцовки и турканици го фрлаа грозјето пред винаријата. Некои се обидуваа да пробијат внатре во објектот пред кој имаше полиција.
Претходно лозарите во текот на попладнето истурија неколку трактори грозје пред винаријата.
Откупот на грозјето туку што почна и веднаш се појавија проблеми со откупната цена и шеќерните единици на грозјето.
