Како дел од планираните настани за чествување на големиот празник 8 Септември и 30те години независност во слободна Република Северна Македонија, денес, заедно со членовите на Здружението на уметници – ракотворци ,,АРТИ КРАФТ” од Скопје, го реализиравме настанот кој што се одржа под мотото ,,Да не се заборави”.
Овој културен хепенинг се одржа пред споменикот на Никола Јонков Вапцаров, во форма на ЕТНО БАЗАР, со посвета и во сеќавање на македонските везилки кои се бореле со иглата и конецот во зачувувањето и опстојувањето на нашите корени, на нашата македонска култура и традиција.
Низ богата програма, пред бутелчани и сите останати заинтересирани се претставија петнаесетина уметници – ракотворци, мајстори на стари занаети, афирмирани уметници, но и млади таленти.
Градоначалникот Велимир Смилевски ги поздрави учесниците и им се заблагодари за долгогодишната соработка, за споделените искуства и за подготвеноста на уметниците да придонесат во разнообразноста на културното живеење на нашата Општина.
